منتدى صفا القلوب

منتدى صفا القلوب (http://safaelkolob.net/index.php)
-   مدونات الاعضاء (http://safaelkolob.net/forumdisplay.php?f=106)
-   -   مدونة أفندينا بين زمان والحاضر ايام وزكريات (http://safaelkolob.net/showthread.php?t=80730)

افندينا 04-15-2018 01:36 PM

مدونة أفندينا بين زمان والحاضر ايام وزكريات
 
http://elmasryafndena.com/up/uploads/1479503337161.jpg


يارب
اسئلك من فضلك وكرمك اشرح لى صدرى واحلى العقدة من لسانى يفقه بها قولى يارب ..
محمد افندى
https://s-media-cache-ak0.pinimg.com...ed11efd82f.gif


افندينا 04-15-2018 01:38 PM

رد: مدونة أفندينا بين زمان والحاضر ايام وزكريات
 
أبورمضان
اليوم امشى بين عجائب المجتمع يقولوا الزمن اتغير والزمن برىء منهم هما جيل خلف جيل وتتغير التقاليد..
وانا خارج فى مساء امس واول نزولى من العماره اللى انا فيها..الحمد لله
لاقيت الدنيا فى المساءعقب صلاة المغرب نور ومنوره تكاد ان تكون قرب
النهار....!!!قولت يافرحتك يا ابورمضان الشارع فى بهجه كبيره قوى ومكنوس ولايوجد فيه ورق ولارمل قولت فى سرى يمكن عشان عرفوا ان ابو رمضان نازل رايح مشوار تصدقوا لولا انى عارف ان مبارك المخلوع والست حرمه فى زيارة بورسعيد ....لالالالالا يأبورمضان صحيح شويه فى دى فى بورسعيد هناك فرق..؟؟؟
لالاهم فين اليومين دول صحيح فى المستشفى؟؟؟؟؟
كونت قولت فى زياره خاصه لشارعنا زى زمان وبتوع الحى الحى لسه حى مماتش ..!!!عاملين الواجب...
فى لحظه بسيطه انكشف المستور...! !
سرادق كبير كبير كبير للعزاء{ وصيط} يعنى شيخ مقرىء قرآن ودي جى وسماعات
كبيرة وصوت يسمع الاموات فى المقابر حتى لو تمكنوا يخرجوا ويعطوا الخفير
رشوة ويسيبوا المقابر ويجروا من فظاعة الصوت...النايم يصحى..عيل صغير
ينسرع ماشى مش مشكله واحد مريض ماشى مش مشكله ناس بتنام وتصحى نص الليل
تروح شغلها مش مشكله...
انصرف كام للسرادق الابهى والعظمه دى والفشخره الكدابه ...مايشغلكش...ليه ..كده..
هم اصحاب عربيات نقل وكساحات وتيرلات وشغاله على الميناء فلوس زى الرمل مش الرز عشان الرمل اكثر...العجيبه والجديده..
{السهرة فى السرادق بتسجل فديوا....}
شوفتوا الفلوس بتعمل ايه؟؟؟
كان لازم يابويا رمضان الكبير تقولى فى اموالك واولدكم ربنا قال فيهم عدو لكم؟؟!!
طب يابوى قال زينة الحياه الدنيا..!!!
اسمع يا فليسوف يصغير ..صاحب العقل يميز ومايضحكش عليه الشيطان وابليس واعوانه..خلاص فهمت..
والله كان كلام ابويا ابو رمضان الكبير كبير قوى..!
كان فاتح لى مدرسه خاصه يعلمنى الحياه ...! دى كنايه عن كلامه؟؟
كان دئما يقولى افهم واعرف يا ستاذ يبتاع المدارس ....{دروس فى الحياه عشان لما تفتح بيت تعرف تربى وتفهم عيالك وتبقى فى وسط الناس فاهم ولك مكانه}
الف الف الف رحمه ابوى...
مريت وجلست عملت الواجب فى العزاء وسمعت ربع قرآن وطيبت خاطر الجيران ذى ما العرف قال...
خرجت ومشيت الى آخر الشارع وجدت الواجب التانى سرادق متوسط وحفله يعنى فرح
ومسرح منصوب والعريس والعروسه والكوشه والديجى وطبل وزمر ورقص وفرقه...
وهم يبكى وهم يفرح وكله فى سوقه....!!!
ندهت على ابورمضان الكبير قولت لو سمعنى وخرج من المقبرة المدفون فيها يقول ايه؟؟
على القلم اللى ضربهولى وانا صغير فى سنه رابعه ابتدائى لما
دخل البيت وشافنى فاتح المذياع {الراديوا}وعشان سألنى جاى من المدرسه
منين شارع ..؟؟؟قولت شارعنا...قال لى شوفت ايه فى آخر الشارع؟؟؟...قولت
بيت الشافعى عندهم ميت..؟؟؟وانت
جاى تفتح الراديوا..!!وراح صافعنى بالقلم بعد لما قولت له بيتهم بعيد
ومحدش يسمع قالى ربنا سمعك وسيدنا محمد وصى على سابع جار...
انت غلطان.؟!!..قولت له فهمت..؟؟؟؟
هذه هى مدرسة الاجداد والاباء والتى درسنى فيها كلمة..
نعم\حاضر
دون نقاش؟؟؟ويستغرب هذا الجيل الحالى ومنهم ابنتى الصغير ماكونتش تناقش جدوا
ابدا؟؟؟ لالالا طبعا لانقاش ولا دياولوااا خالص
اقول طيب ..حاضر ..نعم ..بس هس خلاص
ربنا يفرحكم .

محمدأفندى
http://img85.imageshack.us/img85/2529/egyptl.gif
أبورمضان
مشاهدات وتأملات
افندينــــــــــــــــــــا
من مسرح الحياة وصالة العرض

افندينا 04-16-2018 08:51 AM

رد: مدونة أفندينا بين زمان والحاضر ايام وزكريات
 

صباح الخير


( غيرك يتمنى لحظه...)
انت يا واد بتقول جميل والحسن ظاهر والدلال
حتى بتحكى عن زمان حلو جميل ذى العسل
قوم يا واد بطل فشار وكتر كلام مع الزمان اتغسل
هاتلى خمسينة شاى تسمع كلام وبطل كسل
هنا الكلام
شوفت العضام
فى كل تربه يندفن ينبر ينخلع
يبقى كمان من عدم كان وكان واتردم
شافتة شاى ابلع
تلقا الجمال هنا انبرى والعضم كمان اتخلع
شوفلك كده يومين عيشهم يابن آدم ادلع
غيرك يتمنها لحظه ويقلع..ههههه
محمد افندى...اليوم



افندينا 05-10-2018 11:45 AM

رد: مدونة أفندينا بين زمان والحاضر ايام وزكريات
 
http://egyptianforums.com/up/do.php?...9137175421.jpg
شجر زرعنها من حبه ...
ونقطه ميه وحبه....
نروى جذورها
.تكبر فروعها..
.تكتر ورقها..
..تكبر ثمارها.
نجمعها حبه حبه...
ونأكلها بمحبه
شجرة خير مستحبه
محمد افندى
أفندينــــــــــــــــــــــــــــــا

افندينا 05-10-2018 12:08 PM

رد: مدونة أفندينا بين زمان والحاضر ايام وزكريات
 
http://egyptianforums.com/up/do.php?...9137175421.jpg
شجر زرعنها من حبه ...
ونقطه ميه وحبه....
نروى جذورها
.تكبر فروعها..
.تكتر ورقها..
..تكبر ثمارها.
نجمعها حبه حبه...
ونأكلها بمحبه
شجرة خير مستحبه
محمد افندى
أفندينــــــــــــــــــــــــــــــا

افندينا 05-11-2018 11:40 AM

رد: مدونة أفندينا بين زمان والحاضر ايام وزكريات
 
هنا ايوا ولدت
وعشت طفولتى وصبايا وشبابى وايامى وعمرى بين اصدقائى
واصحابى من جنسيات اجنبيه مختلفه وتعلمت منهم الكثير وعلمتهم ايضا الكثير
نعم كانت حياتى حدوته تانيه ولها الكثير من المواقف والاحداث ...
http://safaelkolob.net/data:image/jp...wj9qVKmJs//9k=


https://encrypted-tbn0.gstatic.com/i...tcTHJKOkWrSl0w

صور لحى بورفؤاد
http://www.sfari.com/photo/data/4/12002.jpg

هنا كان لعبى وشقاوتى مع الاصحاب على تلك الحديقه امام الفيلا التى ولدت فيها وطفولتى وصبايا وشبابى


https://fadihaliso.files.wordpress.c...port_fouad.jpg افندينا


https://www.otlaat.com/almosafr/uplo...1212471020.jpg

افندينا 05-11-2018 11:58 AM

رد: مدونة أفندينا بين زمان والحاضر ايام وزكريات
 
يوم من زكرياتى يوم انتخابات رئيس الجمهوريه بعد الثورة قصدى المؤامره الكبرى للاخوان والاميركان


اهلا بالحبايب....
كله جاى الفرح...
مصر عروسه وخطبها كتير وكل واحد جاى بيقول راح اعملها واجيب لها واخليها.....
زعرطى يام السباع ..

مهر مصر غالى وعشان اهلها يحبوك اوعى تكذب ولا تكون خراط ولا بتاع كلام وبس.....
خلاص عيلها كبريت وفهمت وعرفت حتى الصغار اللى بيتولدو الان اولاد ثوره خاف منهم يادى العريس..
اوعى تكون الزفه كدابه...
او تكون مأجر ناس وتقول دول شهودى!!!
اوعى تكون اخوانى ولا سلفى ولا لبرالى ولالالالالالالالالالاولا مسيحى.....!!!

لازم تكون مصرى لكل المصرين....

وعجبى ياابورمضان
والعهده على اللى يفهم...؟؟؟

كل اللى يقابلنى اليوم وامس يسئلنى ابورمضان الكبير راح ينتخب مين يكون رئيس الجمهوريه لمصر العظيمه.....؟؟؟؟؟

شوفوا بقى قولت ايه وعملت ايه...

قولت اروح الانتخابات وانتخب واحد من تلاته...!!!
الاول....الملك فاروق المعظم ملك مصر والسودان....؟؟؟
الثانى....اللواء محمد نجيب قائد حركه الضباط الاحرار...؟؟؟
الثالث...جمال عبد الناصر زعيم الامه العربيه ومحرك ثورات التحرر العربى والافريقى...؟؟

فضل القاضى يضحك فى اللجنه..هههههه

وقالى لى ياحاج الانتخابات مطلوب واحد من 13 واحد...دول....

قولت له لالالا الورقه دى مزوره....!!!

وكل دول بيجروا على كرسى واحد وبيشتموا بعض وكل واحد فتش سر التانى فى التليفزيون والجرائد وحتى على النت قطعوا بعض...
يبقوا دول ماينفعوش يكونوا واحد منهم رئيس جمهوريه مصر العربيه...
ولا ينفعوا يكونوا رئيس مجلس مدينه ولا يعرف يحكم بيته....
ودخلت علمت على الورقه من فوق الى تحت وكتبت عليها صوتى ملك من يستحقه لوعشت لزمن قادم وظهر لنا وعرفنا اساس اختياره رئيس الجمهوريه القادم باذن الله.....

سلامى وتحياتى
ابورمضان
ينتخب الملك فاروق....

ههههههههههههه
أفندينا وزكريات يام عدت والحمد لله




افندينا 05-11-2018 12:50 PM

رد: مدونة أفندينا بين زمان والحاضر ايام وزكريات
 
http://www.up-king.com/almaciat/azyq...9sol21nbgb.gif
http://www.up-king.com/almaciat/azyq...9sol21nbgb.gif

افندينا 06-23-2018 10:00 PM

رد: مدونة أفندينا بين زمان والحاضر ايام وزكريات
 
http://www.up-king.com/almaciat/azyq...9sol21nbgb.gif











تاملات ومشاهدات أفندينا من مسرح الحياه

وصالة العرش

أبورمضان
مشاهدات وتأملات

كان يوم الخميس عقبال عندكم لى مشوار ودعوة لعقد قرآن ابن صديق عقبال اللى

لسه واللى بيفكر واللى بيتمنى وهى قضيه والسلام ولابد منها ويضحكوا عليكم

ويقولوا سنة الحياه...!!!

ايوا هى سنه وشريعة بس تعالوا احسبوها حاتلاقوها الزمان ده مشكله...وظيفه..مرتب..شبكه..شقه...تجهيزات..وووووو

اقول لكم ربنا يعنكم انتم وابنى والناس كلها حياة صعبه سهلوا يسهل الله عليكم...

امضيت فى القوات المسلحه تقريبا 8 سنوات من حرب واستنذاف ومعركة73..وخلال

تلك الفتره كانت والدتى ووالدى امنيتهم ان اتزوج وانا فى الجيش عشان قال

ايه يشوفوا خلفى وان قدر الله جرى لى حاجه يبقى شىء منى ابن أو ابنه

وزوجه...

هم لهم تفكير وانا اقول لهم لالالالالا اتزوج الا بعد خروجى ورجوعى وانتهاء المعركه بالنصر يكون الفرح...

هو ينفع يامى اترك ارمله واولاد آيتام..؟؟؟؟حرام ولاد الناس ...وكان هذا تفكير اغلبيه المجندين فى المعركه على الجبهة...

بالمناسبه كان شيخ وامام الجامع رحمة الله عليه الشيخ ابراهيم العتمه

متواجد ولم يهاجر وكان موجود فى بلدى وموطنى بورفؤاد الضفه الشرقيه

لبورسعيد{ارجع لليوميات السابقه تشوفها فى الصور}وولدى ايضا كان عمله يقتضى

تواجده ولايهاجروكونت فى الاجازه أتواجد عنده واشوفه والمره الثانيه اروح

المنصوره اشوف امى واخواتى..

وفى يوم سئلت الشيخ ابراهيم الحرب دى حاتنتهى ونرجع وانت شايف ايه ياشيخ...!!!

قال ولد يامحمد حاترجع وحترجع وننتصر وحابقى مأذون البلد واكتب كتابك واعطيك نقوطك وده وعد منى باذن الله..؟؟؟؟

كان بيحبنى جدا وكان يقول لابويا خد ابراهيم ابنى واعطنى محمد ابنك بدل

كده...هههههه عشان كونت قريب منه وهو ابن نكته وحظ وضحكه ومش متزمت ولا

متعصب وخطبة الجمعه والدروس منه يحضر اليها اعداد كبيرة جدا جدا جدا...

طبخ اليوم ده بطه وارزولا اروع من كده وقال شوفت طبيخ الملايكه اهو الشيخ

بيطبخه احسن...هههه عشان طبيخ الشيخ حاضر لكن التانى فى المنام بس

ياناصح...

تمر الايام وتنتهى المعركه ويطلب ابويا وامى تحقيق امنيتهم يشوفوا عيالى وانا متزوج عشان كده كبرت ...؟؟؟

ويحدث النصيب ويكون من جيرانا ورغبة ابويا وفرحة امى واخواتى بالعروسه دى بعد جلوسى على الكوشه خمسة مرات ودى قصه ويوميات آخرى....


يوم كتب الكتاب يوم الفرح والزواج حضر المأذون وكتب الكتاب وجاء والدى يقول اعطى الشيخ كام متفق عليه...؟؟؟؟

قولت ولا مليم واحد..!!!بص الشيخ كده بأستغراب شديد وقال ليه ببلاش كتب الكتاب ده والرسوم كمان؟؟؟

قولت له تذكر يوم ما طبخت البطه وقولت البلد حاترجع وحابقى مأذون

البلد...؟؟ضحك ضحكه بقهقه هههههههه اه يابن ..؟؟..عيب ياشيخ ابويا

واقف؟؟؟...

طب خد كمان نقوطك اهو واشهدو ياعالم حد شاف مأذن فى الدنيا يكتب كتاب

ومايخدش فلوس وكمان يدفع فلوس..؟؟؟؟يادى النصيبه الكبرى.....يستغرب الاهل

والاقارب ووالدى جدا جدا الى ان يحكى الشيخ ابراهيم عن الوعد الذى اوعده

وتصبح قصة تحكى حتى اليوم بين الاهل والاصحاب ابورمضان كتب كتابه ومدفعش

فلوس وأخذ من المأذون فلوس..كمان...!!!.

رحمته الله عليهم كانت اقولهم وافعالهم وعد شرف وامانه وصدق نتعلم منهم بثقه...

والى لقاء اخر باذن الله


محمدأفندى
أبورمضان
مشاهدات وتأملات
افندينــــــــــــــــــــا


Loading...

Powered by vBulletin® Version 3.8.9
Copyright ©2000 - 2018, vBulletin Solutions, Inc.

الموقع على استضافة " اول هوست "


adv helm by : llssll
HêĽм √ 3.2 OPS BY: ! ωαнαм ! © 2011-2012
new notificatio by 9adq_ala7sas